shabab 3loom



انضم إلى المنتدى ، فالأمر سريع وسهل

shabab 3loom

shabab 3loom

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

shabab 3loom family's forum


    انا اصلي عاشق ارضها....

    اميرالظلام
    اميرالظلام
    فريق الإدارة
    فريق الإدارة


    عدد المساهمات : 58
    نقاط : 120
    تاريخ التسجيل : 19/11/2009

    انا اصلي عاشق ارضها.... Empty انا اصلي عاشق ارضها....

    مُساهمة  اميرالظلام الخميس نوفمبر 26, 2009 2:07 am

    ميت ألف فرصه عشان أسيب مصر
    ولا عمري سبتها
    علشان هى بلادي اللي بجد بحبها
    بحبها بكدبها وصدقها
    بحب فيها أصالة وندالة أهلها
    بحب فيها السهر بحب
    زيفها وأصلها
    بحب فيها طلعة الشمس
    تنور وشها
    بحب فيها القمر طالع
    يغازل حسنها
    بحب فيها المشي علي شط
    نيلها وبحرها
    بحب فيها بناتها
    راسمين ملامح شعبها
    دي بنت مايصه وحاطه
    ورده فـ شعرها
    ودي بنت جد ونازله
    جري لشغلها
    هتلاقي فين بلد
    فيها الكنايس والجوامع
    بتحضن بعضها
    مسلم مسيحي إخوات
    عايشن علي ارضها
    هتلاقي فين تاني بلد
    كل حاجه فيها
    تخليك تحبها
    هتقولي ظالمه هقولك
    برضو بحبها
    هتقولي ضالمه
    مهو ده سواد شعرها
    هتقولي زحمه هقولك
    علشان بنعشق أرضها
    هتقولي فيها فساد
    هقولك ده من طيبة شعبها
    جرب كده تسهر ولو وحدك
    علي ضف نيلها وحبها
    جرب تشوف بنت حلوه
    مع شاب واقف جمبها
    بيحبها شايل في قلبه
    هموم الدنيا كلها
    وبرضو بيحبها
    جرب كده تاكل دره وترمس
    علي شطها
    وتشوف وشوش الناس
    واضحك زيها
    طب وانت ماشي لوحدك
    ووقعت في مشكله
    مش بتلاقي ألف واحد
    جمبك بيحلها
    لا تعرفهم ولا يعرفوك
    بس جمعكم حبها
    أهي هي دي مصر
    زاحمه ظالمه
    فاسده ضالمه مش مهم
    ده كفايه خفت دمها
    هافضل لمصر أقول وأعيد
    أنا أصلي عاشق أرضها

      الوقت/التاريخ الآن هو الجمعة مارس 29, 2024 3:41 am